Wala na makapadayon sa mixed doubles event sa 2026 US Open si Filipina tennis star Alex Eala ug Canadian partner Felix Auger-Aliassime human mapildi sa tandem nila Elina Svitolina ug Gael Monfils.
Gihuman ang duwa sa score nga 1-4, 1-4 sulod lamang sa 39 minutos gamit ang FAST4 format, diin ang unang pares nga makaabot og upat ka games maoy modaog sa set.
Maayo ang pagsugod nila Eala ug Auger-Aliassime human makuha ang unang game sa opening set, apan paspas nga mibawi sila Svitolina ug Monfils pinaagi sa upat ka sunod-sunod nga games aron makuha ang unang set.
Mibalik sa 1-0 nga abante ang Filipino-Canadian pair sa ikaduhang set, apan gilayon kining natabla sa ilang mga kontra ug nakuha pag-usab ang momentum hangtod masira ang duwa.
Bisan wala na makapadayon sa mixed doubles, wala pa nahuman ang US Open campaign ni Eala.
Nisaka na usab sa bag-ong career-high ranking si Alex Eala, human mosaka og duha ka puwesto ngadto sa World No. 18 sa pinakabag-ong WTA rankings.
Diin, nakapundok siya og 2,281 ranking points, human sa iyang maayong kampanya sa North American hard-court swing.
Nahimo usab siyang pinakataas og ranggo nga babayeng tennis player gikan sa Southeast Asia sa kasaysayan sa WTA, nga milabaw sa kanhing rekord nga World No. 19 nga gihuptan nila Yayuk Basuki sa Indonesia ug Tamarine Tanasugarn sa Thailand.
Una nang nakab-ot ni Eala ang World No. 20 human niya makuha ang iyang unang WTA Tour singles title sa Mubadala DC Open sa Washington, D.C.
Sa maong tournament, napildi niya si World No. 3 Jessica Pegula sa finals aron mahimong unang Filipina nga nakadaog og WTA Tour-level singles title.
Human niini, nakaabot siya sa Round of 16 sa Canadian Open ug Round of 32 sa Cincinnati Open, nga nakatabang sa iyang pagsaka sa rankings.
Ipunting ni Eala ang iyang atensyon sa US Open, ang katapusang Grand Slam tournament sa tuig, diin gilauman siyang mahimong seeded player sa women’s singles draw
Sa karun, ibalhin niya ang focus sa women’s singles, diin gipaabot siyang musalmot isip seeded player sa main draw nga magsugod sa Agosto 30, 2026.
