Nanawagan og hustisya ang pamilya sa usa ka 6-anyos nga batang lalaki nga namatay human giingong gisagpa sulod sa klase niadtong Agosto 21.
Base sa mga report, nasuko kuno ang nagtudlo human makitang kulang ang assignment sa bata, gipaduol kini, gihawiran sa kwelyo sa uniporme ug gisagpa.
Dugang pa, samtang nagtindog sa atubangan, kalit nga nawad-an og panimuot ang bata ug natumba.
Gilayon siyang gidala sa ospital apan sa ulahi gideklarang patay.
Matod sa amahan, himsog ug aktibo ang iyang anak sa wala pa mosulod sa eskwelahan ug wala kuno’y giindang sakit.
Gituohan sa pamilya nga adunay kalambigitan ang insidente sa iyang pagkamatay, apan wala pa gipagawas sa mga otoridad ang opisyal nga hinungdan niini.
Sa pagkakaron, padayon ang imbestigasyon sa mga panghitabo sa wala pa ug human nawad-an og panimuot ang bata, samtang nabalik usab ang diskusyon bahin sa pagpanakit sa mga bata sulod sa mga eskwelahan sa India. | VIA BOMBO EROS PAJOTA
