Daling miresponde ang Philippine Coast Guard sa usa ka tugboat nga nalunod sa kadagatan sa Botolan, Zambales niadtong Agosto 24, 2026.
Matod sa PCG, napulo ka tripulante ang miambak sa dagat sa wala pa hingpit nga nalunod ang tugboat ug naluwas silang tanan pinaagi sa gilayon nga rescue operation.
Dugang pa, gibanabanang nalunod ang barko sa giladmon nga mga 24 metros, hinungdan nga gipakusog sa Coast Guard ang monitoring sa maong lugar.
Lakip sa ilang ginabantayan ang posibleng oil spill tungod kay nagdala ang tugboat og mga 15,000 ka litro nga diesel sa dihang nahitabo ang insidente.
Matod pa sa PCG, importante nga masuta dayon kung adunay pagtagas sa lana aron malikayan ang mas dakong epekto sa marine environment ug sa mga komunidad sa baybayon.
Sa pagkakaron, padayon ang assessment sa kahimtang sa nalunod nga tugboat samtang ginamonitor sa PCG ang palibot alang sa posibleng pollution response.| VIA BOMBO EROS PAJOTA
