Nagkanayon si US President Donald Trump kaniadtong Biyernes, Agosto 22, 2026 nga dili na siya magtuo nga andam na ang Iran sa paghimo og “hustong kasabutan,” samtang padayon nga gibantayan sa Washington ang sitwasyon sa nagpadayong panagbangi.
Gipahayag ni Trump nga padayon nilang ginatan-aw kung unsay mahitabo, human siya pangutan-on kung limitado ba ang military options sa Estados Unidos batok sa Iran.Gipasabot niini nga dili limitado ang military options sa Estados Unidos sa rehiyon.
Nagtan-aw lamang ang Estados Unidos kung unsay sunod nga mahitabo, samtang iyang gipahayag nga kulang sa pinansyal ug military capabilities ang Iran ug nag-atubang sa taas nga inflation.
Adunay usab “total control” ang Estados Unidos sa rehiyon nga adunay kalabotan sa Strait of Hormuz, lakip ang mga lugar sa yuta nga sakop niini.
Samtang, mipirma ang Iran og preferential trade agreement uban sa Oman kaniadtong Biyernes isip kabahin sa mas lapad nga paningkamot sa pagpalig-on sa trade ties uban sa mga nasod sa rehiyon, diin mas gipakusgan niini ang economic cooperation uban sa mga regional partners human gihulga ni Trump ang Islamic Republic og “economic D-Day.”
Matud pa ni US Vice President JD Vance kaniadtong Huwebes, Agosto 20, 2026 nga ang economic pressure mao ang usa sa pinaka epektibong himan nga gigamit sa Estados Unidos batok sa Iran.
Gipaabot usab ni US Treasury Secretary Scott Bessent nga ang mga kaalyado ug kaatbang sa Estados Unidos moapil sa gipakusgang economic campaign.
Nanawagan ang speaker sa Iranian parliament ngadto sa mga Iranian ug Iraqi businesspeople sa Baghdad nga palig-onon ang economic cooperation sa mga silingang nasod atubangan sa gitawag niyang “unjust sanctions” sa Estados Unidos.
Mas gipahugtan sa Iran ang silot batok sa mga lungsoranon nga makigkontak sa foreign media, human gipasa sa parliament ang usa ka resolusyon karung semanaha.
Subay sa resolusyon,mas bug-at nga silot alang sa mga Iranian nga makigkontak sa foreign media outlets, organizations o individuals kung walay klarong sinulat nga permiso gikan sa Ministry of Foreign Affairs.
Posibleng mahatagan og silot nga pagka-kulong hangtod duha ka tuig ang mga Iranian nga makigkontak sa US media entities, foreign embassies o institutions sulod man o gawas sa Iran, kung maaprobahan ang balaod sa mas taas nga mga awtoridad.
Dugangan pa sa maong balaod ang pagdili sa pipila ka educational ug research activities nga adunay kalambigitan sa foreign entities, diin mahimong moabot sa 10 ka tuig ang pagka-priso alang sa mga kalihokan nga isipon nga “incompatible with Iranian culture.”
Nagpadayon ang tensiyon tali sa Iran ug Estados Unidos samtang gigamit sa Washington ang economic pressure ug gipadayon ang mga kapilian niini sa militar sa rehiyon.
