Nagpabuto ang Russia og daghang missiles ug drones sa Kyiv ug kasikbit nga rehiyon sa Ukraine atol sa overnight attack nga milungtad og pipila ka oras ug mipatay og labing menos 16 ka tawo.
Mitaho ang Ukrainian officials nga 15 ang namatay sa Kyiv ug usa sa mas lapad nga Kyiv region, samtang mokabat sa 40 ang nasamdan.
Gipunting ni Ukrainian President Volodymyr Zelenskyy nga dako ang maong pag-atake ug gigamit sa Russia ang nagkalain-laing ballistic missiles, cruise missiles ug drones nga nagtumong sa mga civilian infrastructure.
Ang maong mga pag-atake nakaigo sa 28 ka lokasyon sa tibuok nasud ug nakadaot sa mga apartment building, eskwelahan, children’s hospital ug kindergarten sa Kyiv. diin misaka sa kapin 38,000 ka tawo, lakip ang kapin 2,000 ka bata, ang mihikling subway station sa Kyiv aron magpasilong samtang nagpadayon ang air raid warnings.
Nangayo pag-usab si Zelenskyy og dugang Patriot air-defense interceptors gikan sa ubang nasud tungod sa kakulang sa maong sistema sa Ukraine.
Mitubag ang Ukraine pinaagi sa mga long-range drone strike batok sa mga pasilidad sa lana sa Russia, lakip ang oil refinery sa Nizhnekamsk ug Tamanneftegaz oil terminal.
Naka-alerto usab ang Poland, Romania ug Moldova human maapektuhan o masudlan sa ilang airspace ang mga drone atol sa mga pag-atake.
Nagpasidaan si Ukrainian Foreign Minister Andrii Sybiha nga mas gisulayan sa Russia ang resolve sa NATO ug mga kaalyado niini samtang nagkadako ang risgo sa gubat lapas sa Ukraine.
