Gipadayag sa kapulisan atol sa Senate hearing kaniadtong Huwebes, Agosto 18, 2026 nga adunay motibo ang estudyante sa Ateneo de Zamboanga University (AdZU) sa pagsulod sa eskwelahan aron mamusil sa wala pa kini nagpatiwakal.
Sumala ni Zamboanga City Police Director Police Colonel Fidel Fortaleza sa Senate Committee on Women and Children nga usa sa ilang gisusi mao kung giunsa pagsulod sa estudyante sa eskwelahan samtang nagdala og duha ka lisensiyadong armas.
Gibutyag usab nga nagpakita ang Grade 8 student og intensyon nga likayan ang security checks aron mapasulod ang armas.
Base sa inisyal nga imbestigasyon, gisakay ang estudyante sa pickup truck samtang dala ang bag nga adunay mga armas.
Imbes nga moagi sa main gate diin adunay mga security guard, gipaubos ang estudyante sa ramp area nga mas gamay ang security personnel.
Misulod ang estudyante sa eskwelahan ug mitungas sa fourth floor sa building.
Gikumpirma ni AdZU Board of Trustees Chairman Pedro Rufo Soliven nga kasagarang gigamit ang maong ramp sa mga persons with disability ug mga estudyanteng adunay injury.
Nagkanayon usab si Soliven nga adunay 25 ka security guards nga nakatalaga sa nagkalain-laing entry points sa eskwelahan.
Miadto ang estudyante sa fourth floor sa Junior High School building ug unang nagpapusil sa Room 405.
Mibalhin siya sa Room 404 diin naigo ug namatay ang iyang schoolmate, sa wala pa misaka sa fifth floor ug didto gikutlo-an ang iyang kaugalingog kinabuhi.
Matud sa kapulisan, nakita mismo sa mga niresponde nga police officer ang insidente ug ilang gisulayan og pakigsulti ang estudyante aron ipaubos ang armas.
Gipadayon sa kapulisan ang forensic examination sa cellphone sa estudyante.
Gisusi usab ang posibleng pananagutan sa amahan sa estudyante, nga tag-iya sa usa sa mga armas.
Wala pa makumpirma sa administrasyon sa Ateneo de Zamboanga University ang mga taho nga adunay naunang hulga sa eskwelahan sa wala pa ang pagpamusil.
Gipahayag ni AdZU Board of Trustees Chairman Soliven nga padayon pa nilang gitino ang tibuok panghitabo ug dili sila magpagawas og impormasyon nga wala pa mapamatud-i.
