Target sa Bureau of Jail Management and Penology-7 nga ipaubos sa 260% ang jail congestion rate sa Central Visayas pagsapit sa Disyembre 2026 gikan sa kasamtangang 280%.
Matod ni JSupt. Castle Masip, Regional Chief of Directorial Staff sa BJMP-7, gilauman nga mas moubos pa kini kung mahuman ang mga ginatukod nga jail facilities.
Kabahin sa lakang ang paspas nga pagbalhin sa mga sentenced prisoners ngadto sa Bureau of Corrections (BuCor), lakip sa mga pasilidad sa Leyte.
Giawhag usab ang mga jail warden nga makig-coordinate sa local government units aron mangita og dugang paagi sa pagpakunhod sa kahuot sa mga prisohan.
Gipasiugda sa BJMP-7 nga kinahanglan sabayan sa rehabilitation programs ang decongestion aron malikayan ang pagbalik sa mga PDL sa prisohan.
Palig-onon usab ang livelihood, College Behind Bars, jail inspections, greyhound operations ug disaster preparedness programs.
