Gipasiugda ni Parañaque 2nd District Rep. Brian Yamsuan ang gisugyot nga balaod nga magpataas sa sweldo sa mga Special Needs Education (SNed) teachers aron matubag ang kakulang sa mga magtutudlo alang mga estudyanteng adunay disabilidad.
Ubos sa House Bill 5574, ipataas gikan sa Salary Grade 14 ngadto sa Grade 16 ang minimum salary grade sa mga SNed teachers sa mga pampublikong eskwelahan.
Maabot kini og basic pay nga P45,694 kada bulan karong tuiga ug P47,829 sa pag-abot sa 2027.
Matud ni Parañaque 2nd District Rep. Brian Yamsuan, gikinahanglan ang igo nga gidaghanon sa SNed teachers aron mahatagan og patas nga oportunidad sa edukasyon ang mga estudyanteng adunay disabilidad.
Base sa datos, adunay 391,089 ka learners with disabilities (LWDs) nga naka-enroll sa mga pampublikong eskwelahan sa school year 2024-2025, apan wala pay 6,000 ka SNed teachers nga nagserbisyo kanila.
Gibutyag usab ni Parañaque 2nd District Rep. Brian Yamsuan nga adunay mokabat sa 600 ka bag-ong SNed teaching positions nga gimugna sa Department of Education (DepEd) karong tuiga, apan wala pa mapun-an tungod kay gihulat pa ang bag-ong qualification standards gikan sa Civil Service Commission (CSC).
Nanawagan si Parañaque 2nd District Rep. Brian Yamsuan sa CSC nga paspason ang proseso ug sa Kongreso nga aprobahan ang gisugyot nga balaod aron mas daghang SNed teachers ang maengganyo ug mapabilin sa mga pampublikong eskwelahan.
| via Bombo Ray Ann Martinez
