Giampo ni Pope Leo XIV ang mga biktima sa kusog nga linog nga miigo sa Colombia kaniadtong Lunes, Agosto 10, 2026 nga mikalas na og kapin 250 ka kinabuhi ug nakaangol sa kapin 1,000 ka tawo.
Sa iyang mensahe, mipadayag og dakong kasubo ang Santo Papa ug nag-ampo alang sa kalinaw sa kalag sa mga namatay ug sa dali nga pagkaayo sa mga nasamdan ug naapektuhan sa trahedya.
Nagpaabot usab kini pakiramay ngadto sa mga pamilyang namatyan sa ilang mga minahal.
Gipasalamatan sa Santo Papa ang mga responder nga padayon sa search and rescue operations ug ang mga naghatag og relief assistance ngadto sa mga komunidad nga grabeng naapektuhan.
Pinaagi sa pag-ampo ug intercession sa Mahal nga Birheng Maria, gihangyo usab sa Santo Papa ang espiritwal nga kalig-on ug paglaum alang sa katawhan sa Colombia.
Gipadala ang moang mensahe nga gipirmahan ni Cardinal Secretary of State Pietro Parolin ngadto kang Archbishop Francisco Javier Múnera Correa, presidente sa Colombian Bishops’ Conference.
