Gihangyo ni Presidente Ferdinand Marcos Jr. sa Kongreso nga suspendihon sa makadiyot ang pagpatuman sa Real Property Valuation and Assessment Reform Act o Republic Act No. 12001 aron malikayan ang dugang nga gasto sa mga negosyo, madasig ang pamuhunan, ug masiguro ang hapsay nga pagpatuman sa bag-ong property valuation system.
Gihimo sa Pangulo ang maong hangyo atol sa miting sa Legislative-Executive Development Advisory Council o LEDAC sa Malacañang kagahapong adlawa Agosto 6, 2026.
Sumala ni Palace Press Officer Undersecretary Claire Castro, tumong sa maong sugyot nga mahatagan og igong panahon ang mga hingtungdan aron maandam ang pagpatuman sa bag-ong valuation system.
Dugang pa niini, gihisgutan usab sa maong LEDAC meeting ang 24 ka prayoridad nga mga lakang nga gitinguhang mapasar sa Kongreso sa dili pa matapos ang Hunyo 2027.
“Nagpanukala si Pangulong Ferdinand Marcos Jr. sa dalawang kapulungan sa LEDAC meeting nitong August 6, 2026 ng pansamantalang pagsuspinde ng pagpapatupad ng Real Property Valuation and Assessment Reform Act o Republic Act No. 12001 (RPVARA) upang maiwasan ang karagdagang mga gastos sa ari-arian para sa mga negosyo, suportahan ang mga pamumuhunan, at tiyakin ang isang dahan-dahan at makatwirang transisyon patungo sa bagong valuation system,” matud pa ni Casto.
