ATTY. POA, NANGHANGYO SA SENATE IMPEACHMENT COURT NGA MAKAPAGPAHAYAG SA PULONG SA COA

Nanghangyo og higayon si defense counsel Atty. Michael Poa sa Senate Impeachment Court nga makahatag og katin-awan kabahin sa giingong pakigpulong sa mga opisyal sa Department of Education (DepEd) ug sa Commission on Audit (COA).

Gihangyo ni Poa ang duha ka minuto nga higayon aron ipaklaro ang maong miting, apan wala kini tugoti ni Trial Presiding Officer Sen. Chiz Escudero.

Matod ni Sen. Escudero, mahimo gihapon ipahayag ni Poa ang iyang eksplanasyon sa sunod nga mga higayon samtang nagpadayon ang paghisgot sa korte kabahin sa isyu sa confidential funds.

Una nga nabutyag ang maong isyu kaniadtong Agosto 4 atol sa direct examination ni Atty. Lorna Kapunan kang kanhi COA Auditor Roderick Wamil.