Gipaminusan sa Department of Education (DepEd) og 57% ang paperwork sa mga magtutudlo sa tibuok nasud.
Matud pa ni Education Secretary Sonny Angara nga ang pagkunhod naglakip sa pagproseso sa mga dokumento, office works, ug uban pang non-teaching nga mga responsibilidad.
Gipadayon usab sa DepEd ang pag-hire og mga non-teaching personnel aron sila na ang motuman sa mga paperwork sa mga teachers.
Gipaabot sa Education Secretary nga kabahin niini ang pagkuha hangtod sa 5,000 Administrative Officers ug Project Development Officers nga maoy magdumala sa mga non-teaching work nga dugay nang gikabalak-an sa mga magtutudlo.
Gipunting usab niini nga tumong sa DepEd ang pagpanalipod sa teaching time aron ang mga magtutudlo makapokus lamang sa pagtudlo sa mga eskuwelahan imbis nga magbagu-od sa mga paperwork.
Gipasabot ni Angara nga kabahin kini sa reporma sa ilang buhatan aron mapalambo ug mapanalipdan ang kaayohan sa mga magtutudlo.
