Gihangyo ni Vice President Sara Duterte sa Senado nga maoy mugasto sa pagkaon, ilimnon ug catering services alang sa iyang defense team, support staff ug mga testigo sa tibuok panahon sa impeachment trial.
Sa sulat nga gipetsahan og Hulyo 7, 2026 ug gipadala kang Senate President Sherwin Gatchalian, gilatid ni Duterte ang mga lakng nga gusto niyang ipatuman samtang nagpadayon ang pagtaral.
Lakip sa iyang gihangyo nga ang tanang pagkaon ug ilimnon alang sa iyang kampo ihatud lamang sa ilang holding room ug gikan sa caterer nga gi-akreditahan sa Office of the Vice President.
Matud sa Bise Presidente, tumong niini ang pagpalig-on sa seguridad ug pagsiguro sa kaluwasan sa iyang mga abogado, support staff ug mga testigo.
Sa katapusan sa iyang sulat nga gipadala, nagpahayag si Vice President Duterte nga naglaom siyang aprobahan sa Senado ang iyang mga gihangyo alang sa nahibiling panahon sa pagtaral.
