Gikumpirma sa Pamahalaang Lungsod ng Maynila ang tulo ka bag-ong kaso sa COVID-19, base sa pinakabag-ong report sa ilang Water and Food-Borne Diseases, Influenza-Like Illnesses, Leptospirosis, and Dengue (W.I.L.D.) monitoring.
Tungod niini, miabot na sa 60 ang kinatibuk-ang kumpirmadong kaso sa COVID-19 nga natala sa siyudad sukad Enero 1 hangtod sa kasamtangang bulan.
Gawas sa COVID-19, nakatala usab ang city government og tulo ka bag-ong kaso sa dengue, nga mipataas sa kinatibuk-ang ihap ngadto sa 1,961 ka kaso sa maong sakit sa Maynila karong tuiga.
Usa usab ka bag-ong kaso sa leptospirosis ang natala kaniadtong Hulyo 16,2026 nga nagdala sa kinatibuk-ang ihap sa 94 ka kaso karong 2026.
Samtang, wala pa’y bag-ong kaso nga natala sa uban pang W.I.L.D. diseases nga adlaw-adlaw nga ginamonitor sa pamahalaang lungsod.
Nagpabilin usab ang kinatibuk-ang ihap sa mga kaso sa influenza-like illnesses (ILI) sa 773, severe acute respiratory infections (SARI) sa 240, typhoid fever sa 57, ug cholera sa 3.
May kalabotan niini, gi-awhag pag-usab sa Manila Health Department (MHD) ang publiko nga magpadayon sa pag-amping batok sa W.I.L.D. diseases, ilabina karong panahon sa ting-ulan.
