Gikuwestyon sa Philippine National Police-Criminal Investigation and Detection Group (PNP-CIDG) ang kalainan sa oras sa pagkamatay nga nakabutang sa death certificate ni Ateneo student Rene Clert Baterbonia human sa insidente sa pagkalumos sa Aurora.
Gipahayag sa PNP-CIDG nga narekober ang lawas ni Baterbonia mga alas 3:40 sa hapon kaniadtong Hunyo 8, 2026, apan nakabutang sa death certificate nga alas 3:33 sa hapon ang oras sa iyang pagkamatay.
Gipasabot ni PNP-CIDG officer-in-charge P/Lt. Col. Michael Odejerte nga bisan namatikdan ang maong kalainan, dili pa sila maghatag og konklusyon samtang gisusi pa ang mga rekord ug pahayag sa mga nalambigit, lakip ang medical personnel ug doktor nga mikumpirma sa iyang kamatayon.
Dugang pa nga kauban ni Baterbonia nga namatay ang kapwa Ateneo student-athlete nga si Divine Adili, kansang lawas gikatahong narekober mga alas 3:45 sa hapon.
Mitambong sa pagdungog sa Senado si Ateneo President Fr. Roberto “Bobby” Yap ug nangayo pag-usab og pasaylo sa mga pamilya sa duha ka estudyante.
Giklaro ni Yap nga padayon ang suporta sa unibersidad ngadto sa mga pamilya ug sa mga student-athlete nga naapektuhan sa trahedya.
Gikondena usab ni Yap ang cyberbullying ug online harassment nga nasinati sa pipila ka kauban sa team nila Baterbonia ug Adili samtang nagbangutan.
Sa pagka karun, padayon ang paghatag og counseling, emotional support, ug uban pang tabang ngadto sa mga estudyante ug miyembro sa komunidad sa Ateneo nga naapektuhan sa insidente.
