EXCISE TAX SA LPG UG KEROSENE, GIBALIK NA HUMAN SA PAG-UBOS SA PRESYO SA KRUDO

Gibalik na ang excise tax sa liquefied petroleum gas (LPG) ug kerosene human sa pagkunhod sa presyo sa lana sa internasyonal nga merkado.

Sumala sa mga taho, mibalik sa ₱3.36 matag kilo ang excise tax sa LPG, samtang ₱5.60 matag litro usab ang buhis sa kerosene.

Gitangtang kaniadto ang maong excise tax isip temporaryong ayuda sa mga konsumidor tungod sa pagsaka sa presyo sa krudo sa kalibutan.

Ang maong lakang gipatuman ni Pangulong Ferdinand Marcos Jr. aron maminusan ang gasto sa mga panimalay, ilabina sa paggamit sa LPG ug kerosene alang sa adlaw-adlaw nga panginahanglan.

Gilauman nga padayon nga bantayan sa mga ahensya sa gobyerno ang kahimtang sa presyo sa lana ug ang epekto niini sa mga konsumidor.