Mipahayag si House prosecutor ug Bicol Saro Party-list Rep. Terry Ridon nga kumpiyansa siya nga mahuman sa tukmang oras ang pagmarka sa mga ebidensya sa impeachment case batok kang Vice President Sara Duterte sa wala pa ang gitakdang pagsugod sa pagtaral sa umalabot nga Hulyo 6, 2026.
Sumala pa ni Ridon nga sa ika-upat nga adlaw sa pre-trial proceedings sa Senado isip impeachment court nga mas mipaspas ang proseso human gidugangan ang mga evidence-marking stations, nga nakatabang sa mas episyenteng pagproseso sa mga dokumento sa prosekusyon ug depensa.
Gipadayag niya nga libo-libong panid sa mga dokumento ang kasamtangang gisusi ug gimarkahan isip pagpangandam alang sa impeachment trial.Nanghinaot ang prosekusyon nga makompleto ang pagmarka sa mga ebidensya niining adlawang Huwebes Hunyo 25, 2026, apan andam kini nga mohangyo og dugang nga oras kung gikinahanglan.
