Gipahibalo karon sa Estados Unidos nga gipahunong na niini ang naval blockade batok sa Iran human milagda ang duha ka nasud sa usaka kasabutan nga nagtumong aron hingpit nang hunungon ang tensyon sa Tungang Silangan. Sumala sa US Central Command, gikuha na nila ang blockade subay sa direktiba ni U.S. President Donald Trump.
Tungod niini, subling gi-abrihan ang Strait of Hormuz, usaka mahinungdanong ruta nga gina-agian sa mga barkong adunay dala nga lana ug uban pang mga pamatigayon. Nasayran nga lakip sa kasabutan ang hinanaling pagpahunong sa operasyon sa US military kung mosunod sumala pa ang iran sa kasabutan. Kalakip sa nahisgutang mga kondisyong ang pagsirado sa Iran sa ilang bodega sa enriched uranium ug pagpahunong sa pagpondo sa mga kaalyadong armadong grupo sa rehiyon.
Bisan ug napatuman na ang kasabutan, natahap gihapon dinhi si Iran Supreme Leader Mojtaba Khamenei. Sumala pa kaniya, dili siya hingpit nga uyon sa kasabutan, apan gitugutan niya kini nga ipadayon human makadawat og mga kasiguruhan gikan kang Iranian President Masoud Pezeshkian. Gikanayon ni Khamenei nga dili tungod kay nadayon na ang kasabutan, mosunod na ang Iran sa pipila ka mga negosasyon niini sa Estados Unidos. Samtang, gikanayon usab ni Trump nga gilauman niya nga sundon sa tanang kabahin ang ceasefire aron magapadayon ang panaghinabing pangkalinaw.
