Gilusad sa kapulisan sa Johannesburg, South Africa ang dakong operasyon sa pagpangita sa mga suspetsadong nalambigit sa insidente sa pagpamusil nga nakapatay og 12 ka tawo. Sumala sa mga otoridad, dili kini moubos sa 10 ka armadong lalaki ang misulod sa Jumpers Informal Settlement ug kalit lamang namusil sa mga residente.
Gikondena sa kapulisan ang maong insidente ug gitawag kini nga usa ka brutal ug walay kalooy nga krimen. Sa pagkakaron, padayon pa ang imbestigasyon aron matino ang motibo sa mga suspek. Lakip sa ginatan-aw nga anggulo ang posibleng panagbangi tali sa mga grupo nga nalambigit sa iligal nga pagmina sa maong lugar.
Dugang pa niini, giingon sa pipila ka mga residente nga posibleng adunay kalabotan sa nagpadayong panaglalis sa iligal nga pagmina ang maong madugong insidente.
