-- ADVERTISEMENT --
Nanawagan si Speaker Faustino “Bojie” G. Dy III sa mga barangay sa tibuok nasod nga magkahiusa sa kampanya batok sa illiteracy o kakulang sa pagbasa ug pagsulat.
Sa gihimong National Convention sa Liga ng mga Barangay, giingon ni Dy nga importante ang literacy aron mahatagan og mas daghang oportunidad, trabaho, ug mas maayong kaugmaon ang matag Pilipino.
Matod niya, dakong papel ang mga barangay tungod kay sila ang pinakaduol sa katawhan ug unang makakita sa mga batang dili makasulod sa eskwela ug sa mga pamilyang nagkinahanglan og tabang.
Gipasiugda usab niya nga ang pakigbisog batok sa illiteracy dili lang katungdanan sa katilingban, kondili usa usab ka investment alang sa ekonomiya ug kaugmaon sa nasod.
