Posibleng mo usbaw pag-usab ang presyo sa mga produktong petrolyo, lakip na ang diesel ug gasolina, sunod semana.
Sumala sa pagsusi sa oil industry source, posible nga madungagan ang presyo sa diesel og P2.00 hangtod P2.50 kada litro samtang ang gasolina anaa sa P0.75 hangtod P1.25 kada litro.
Samtang mokunhod sad ang presyo sa kerosene sa P13.30 kada litro.
Gisulti sab sa usa ka tinubdan nga magpabilin nga taas ang presyo sa krudo tungod sa nagka grabe nnga geopolitical tensions sa Tungang Sidlakan, nga nakaapekto sa pangkalibutanong suplay sa lana.
Sa laing bahin, suportado sab ang pagtaas sa presyo sa gasolina tungod sa kakulang sa suplay ug pagkunhod sa refinery output sa nagkalain-laing nasud.
Tungod sa limitadong suplay sa krudo gikan sa Tungang Sidlakan, napugos nga mugamit sa pipila ka refinery sa Asya nga low quality nga crude oil nga dili akma sa ilang mga pasilidad.
Kasagarang ginaunsyo sa mga kumpanya sa lana ang price adjustments kada Lunes ug ginapatuman kini pagka ugma, adlaw nga Martes.
Niadtong miaging semana, nagtaas ang mga oil company og presyo sa gasolina samtang dako ang gikunhod sa presyo sa diesel ug kerosene.
