Misaway si Department of National Defense Secretary Gilbert Teodoro sa pagbatikos sa China sa pag-apil sa Japan sa Balikatan Exercises, ilabina sa unang higayon sa pagpabuto sa Type 88 surface-to-ship missile sa Pilipinas isip kabahin sa maong dako nga military exercise sa Ilocos Norte.
Sumala pa sa report, dili angay ang reklamo sa China nga nagdumili sa presensya sa Japan sa maong ehersisyo, nga giila isip importante nga parte sa matag tuig nga joint training tali sa mga alyado.Sa sidelines sa closing ceremony sa Balikatan 2026, gipahayag ni Teodoro nga nakurat siya sa giingong posisyon sa China, nga iyang giingon nga usa ka diktadura ug militar nga nagdaug-daug pa gani sa kaugalingon nilang mga katawhan.
Dugang pa niini, giingon sa DND Secretary nga wala na, sumala niya,’y nagtugot o naminaw sa China, ug giakusahan ang nasod nga naggamit sa ilang mga pahayag aron limbongan ang ilang kaugalingong mga katawhan.Lakip sa iyang pahayag ang pasangil sa China sa pag-apil sa espiya, cybercrime, human trafficking, ug industrial espionage sa pipila ka nasod sa Southeast Asia.
Sa kasamtangan, gisaway usab ni Teodoro ang kalidad sa mga produkto nga naggikan sa China nga mosulod sa rehiyon, nga iyang giingon nga naghatag og negatibong epekto sa merkado ug konsumidor.Sa pagkakaron, padayon nga mainiton ang diskusyon sa rehiyon bahin sa papel sa mga foreign military exercises ug geopolitical tension tali sa mga nasod sa Asia-Pacific.
