Balhog sa bilangguan ang usa ka lalaki nga nakasupak sa balaod mahitungod sa pagpamaligya og petroleum products human nasikop kini sa mga otoridad kagahapong adlawa.
Subay sa taho gikan sa kapulisan, giila ang dinakpan nga sil alias Ryan, hamtong ang panuigon nga residente sa Brgy. Malamba, Marilog District. Sumala pa sa mga otoridad, naaktuhan ang suspetsado nga namaligya og produktong petrolyo nga walay mga saktong dokumento nga gipakita sa mga otoridad sa pagpanguna sa Davao City Maritime Police Station kauban ang Regional Maritime Unit, Marilog Police station ug Department of Energy 11.
Dugang pa sa kapulisan nga nakasupak ang nahisgutan sa Presidential Decree No. 1865 nga nagbawal sa pagbaligya sa petrolyo nga wala’y saktong pagtugot gikan sa hingtungdan nga ahensya sa kagamhanan. Sa pagkakaron, nag-awhag ang mga otoridad sa katawhan nga gilayong motaho sa mga otoridad kung adunay susamang makita nga kalihukan.
