Gipagawas sa Philippine Statistics Authority ang labing bag-ong datos gikan sa 2025 National Demographic and Health Survey (NDHS) nga nagpakita sa padayon nga pagkunhod sa fertility rate sa mga Filipina ngadto sa 1.7 ka anak matag babaye ang labing bos nga natala sa kasaysayan. Gikan sa 4.1 ka anak matag babaye niadtong 1993, padayon ang pagkunhod sa fertility rate sa milabayng mga dekada.
Sa karon, mas ubos na kini sa replacement level nga 2.1 nga gikinahanglan aron mapadayon ang kasamtangang populasyon, nga nagpatungha og mga pangutana kabahin sa umaabot nga pagtubo sa populasyon.Sumala sa survey, mikunhod ang fertility rate sa urban ug rural nga mga lugar. Ang mga babaye sa siyudad adunay average nga 1.5 ka anak, samtang ang sa kabaryohan adunay 2.0 ka anak. Labing taas ang fertility rate sa Bangsamoro Autonomous Region in Muslim Mindanao nga 2.4, gisundan sa Region IV-A nga 1.3, samtang ang National Capital Region ug Negros Island Region adunay 1.4.
Nagpakita usab ang survey nga mas ulahi na karon sa prayoridad sa kababayen-an ang pagpanganak. Kasagaran nga edad sa pagpanganak mao ang 25 hangtod 29, samtang nagpabiling ubos ang adolescent fertility nga 22 ka pagpanganak matag 1,000 ka babaye nga edad 15–19.Mikunhod usab ang teenage pregnancy, diin 4.9% sa mga batan-ong babaye (15–19 anyos) ang nakasinati og pagbuntis.
Subay sa datos, mas daghang Filipina ang nagdesisyon nga magka-anak og gamay. Samtang 57.3% sa mga minyo nga babaye ang nagbutyag nga dili na nila gustong magdugang og anak, samtang 13.4% lamang ang gustong magkaanak pa sulod sa sunod duha ka tuig.
