Nanguna ang mga kababainhan sa 10th Infantry (Agila) Division alang sa gipahigayon nga tree-planting activity sa Camp General Manuel T. Yan Sr. niadtong Marso 14, 2026, nga kini kabahin sa selebrasyon sa National Women’s Month.
Atol sa maong kalihukan misalmot usab ang ubang tropa sa Division aron suportahan ang maong inisyatiba.
Sa kinatibuk-an, adunay 1,254 ka mga seedlings ang natanom sulod sa kampo diin gilangkuban kini sa 217 fruit-bearing trees ug 1,037 hardwood species, nga nagpakita sa commitment sa Philippine Army sa pagpanalipod sa kinaiyahan, sustainability, ug responsable nga pagdumala sa military reservations.
Gipakita sa maong kalihokan ang importansya sa papel sa kababainhan sa pagpanalipod sa kinaiyahan ug community development, samtang nagtabang sa ongoing nga greening initiatives sa Army aron mapalambo ang kalasangan ug masuportahan ang climate change mitigation.
Gibutyag ni Lieutenant Colonel Maristella Dela Paz kabahin sa kahulugan sa inisyatiba, nga nagbutyag “Small actions, when done with purpose, can create a lasting impact for future generations.”
Samtang gidayeg usab ni Major General Alvin Luzon ang mga partisipante, nga nagkanayon nga pinaagi sa ingon niini nga mga kalihokan, nagpadayon ang Agila Division sa pagsuporta sa national environmental programs samtang gipalig-on ang awareness sa environmental stewardship sa tanang personahe sa Army, samtang gisaulog ang National Women’s Month sa nasud.
