Masnikusog pa ang bagyo sa gawas sa Philippine Area of Responsibility (PAR) samtang padayon nga nakaapekto ang Northeast Monsoon o Amihan sa Luzon ug Visayas.
Tungod niini, lauman ang bugnaw nga panahon ug mga pag-ulan sa pipila ka bahin sa nasod.
Samtang, ang trough sa tropical storm nakaapekto gihapon sa sidlakan nga bahin sa Mindanao nga posibleng magdala ug pag-ulan, kilat ug pagpanalugdog.
Ang tropical storm Nuri ulahing nasiplatan sa gilay-on nga 1,290 km sa sidlakan nga bahin sa Eastern Visayas.
Adunay kusog kini nga hangin nga 65 km/h duol sa sentro ug paghaguros nga moabot ug 80 km/h.
Ang bagyo hinay nga milhok pahabagatang kasadpan.
Kung mosulod na kini sa PAR, tagaan kini ug lokal nga ngalan nga Butchoy isip ikaduhang bagyo sa tuig 2026.
