Gipasalig sa Department of Agriculture (DA) nga wala nay kakulangan sa bugas sa nasud.
Kini ang pamahayag sa basampit nga ahensya human sa mga reklamo sa pipila ka mga residente sa Bocaue, Bulacan nga naglisod sila sa pagpalit og bugas.
Base sa reklamo sa pipila ka negosyante, naglisod usab sila sa pagkuha sa suplay sa bugas nga ilahang ibaligya, ug usahay moabot pa og tibuok gabii ang ilahang paglinya.
Sumala sa DA spokesperson nga si Arnel de Mesa, bag-o pa miabot sa nasod ang suplay sa imported nga bugas tungod kay natapos na sa katapusan sa 2025 ang ban sa maong imported rice.
Iyahang gidugang nga niadtong Enero 22, adunay 248,000 ka mga metric tons sa imported nga bugas nga miabot sa nasod.
Gawas pa niini, padayon ug walay undang ang pag-abot sa bugas sa nasod tungod kay gitugotan ang daghang pantalan nga mahimong bagsakan sa imported nga bugas.
