Gidayeg ni Deputy Speaker Paolo Ortega V si Pangulong Ferdinand Marcos Jr. gumikan sa kalig-on ug makatarunganong baruganan niini sa pagdepensa sa soberenya sa nasud, dungan sa pagpagawas sa survey nga nagpakitang suportado sa kadaghanang mga Pilipino ang pagdepensa sa West Philippine Sea.
Gipahayag ni Ortega, gikumperma sa pinakaulahing survey nga misuporta ang publiko sa posisyon sa administrayon.
Gipakita sa survey nga 60% sa mga Pilipino ang wala misalig sa China, samtang 13% lamang ang nagkanayong angay kining saligan.
Migawas usab nga 79% ang mikunsedera sa China nga pinakadakong hulga sa nasud.
Dugang gikanayon ni Ortega dili lamang hisgutanang geopolitical ang West Philippine Sea apan direktang nakaapekto sa panginabuhi-an sa mga mangingisda ug sa seguridad sa pagkaon sa nasud.
