Gikansela ang gikatakdang paghulip unta sa katungdanan ni P/Col. Mannan C. Muarip isip Acting City Director Davao City Police Office karong adlawa.
Atol sa gipahigayon nga seremonya alang sa pagpuli sa liderato, igo lamang nga gipahuman ang paghatag og mensahe ni Col.Madria nga maoy gikatakda nga ipuli.
Sumala pa ni Brigadier General Mariano Rodriguez, the PRO 11 Deputy Regional Director for Administration adunay kamanduan gikan sa Regional Director sa PRO 11 sa pagkansela sa turn-over of command.
Wala pa usab masayri ang hinungdan sa maong kanselasyon.
Sa pagkakaron magpabilin nga si Col. Muarip nga Acting City Director Davao City Police Office.
Una nang gikabutyag nga pulihan na sa katungdanan si P/Col. Mannan C. Muarip isip Acting City Director Davao City Police Office karong adlawa ni P/Col. Peter Madria nga gikan sa PRO-XI nga hepe sa Regional Operations Division sa PRO-11.
Nasayran nga ibalhin sumala pa si Col. Muarip sa Regional Police Holding and Accounting Section.
Kahinumduman nga una nang gipahimutang si Muarip niadtong Hulyo 2025 isip Acting City Director sa DCPO diin nagsilbi kini sulod na sa kapin unom ka bulan.
