Gipahayag sa embahada sa Pilipinas sa Denmark nga walay angay ikaalarma sa pagkakaron taliwala sa hulga nga posibleng pag-takeover sa Estados Unidos sa Geenland.
Sa gipagawas nga advisory sa embahada, gi-abisuhan niini ang mga Pilipino nga magpabiling alesto sa mga protesta sa katawhan isip pagsupak sa plano sa Amerika nga kontrolon ang greenland nga teritoryo sa Denmark nga ilado sa mineral resources niini.
Matod pa sa embahada, hugot nilang gina-monitor ang mga kalambo-an sa isla, samtang andam usab ang Philippine Embassy nga muhatag ug hinabang sa higayong gikinahanglan.
Gi-abisuhan usab ang mga Pilipino nga mosunod sa ipagawas nga local advisories sa ilahang lugar. Kasamtangang gina-update sa embahada ang directory sa mga Pilipino sa Greenland aron maseguro nga makontak dayon ang mga nahisgutan.
