Gikumpirma ni Juanito Victor ‘Jonvic’ Remulla, Secretary sa Department of the Interior and Local Government (DILG), nga nakadawat siya og impormasyon nga posibleng anaa sa Cambodia ang most wanted ug puganteng business tycoon nga si Charlie Ang.
Sumala kang Remulla, ang maong impormasyon gikan sa whistleblower sa kaso sa missing sabungeros nga si Julie Patidongan.
Subay sa mga nadawat nga report, sumala pa adunay nagpadayong operasyon sa online sabong sa Cambodia, nga posibleng nahimong hinungdan aron makabuo og network sa maong nasud ang puganteng negosyante.
Gibutyag sa kalihim nga padayon ang pag-validate sa impormasyon ug nakiglambigit na ang gobyerno sa mga hingtungdan nga ahensya, lakip na ang mga international counterparts, aron masuta ug matun-an ang posible nga lokasyon sa giingong most wanted.
