Gihukman sa usa ka korte sa South Korea ug lima katuig nga pagkabilanggo si kanhi South Korean President Yoon Suk Yeol, homan kini ang napamatud-ang sad-an sa kaso nga adunay kalabutan sa obstruction of justice ug uban pang krimen nga adunay kalabutan sa iyahang kontrobersyal nga deklarasyon sa martial law.
Sa desisyong gipakanaug ni Judge Baek Dae-hyun sa Seoul Central District Court, napamatud-ang sad-an si Yoon sa pagbabag sa mga imbestigador aron kini ang arestuhon, lakip na ang wala pag-uban sa pipila ka miyembro sa kabinete sa usa ka meeting nga adunay kalabutan sa pagplano sa martial law.
Apan gipakawad-an usab kini ug kasal-anan sa kasong pagpameke sa mga dokumento gumikan sa kakulang ug mga ebidensya, samtang gihatagan usab ang kanhi South Korean President ug pito ka adlaw aron mupasaka ug apela.
Samtang kahinumduman, unang gipangayo sa mga prosecutors ang napulo katuig nga pagbilanggo kang Yoon lakip na ang silot kamatayon isip kuno pangulo sa usa ka insurrection gumikan sa pagpatuman ug martial law.
Matod pa sa mga nahisgutan nga angay ang pinakabug-at nga silot kang Yoon gumikan kay wala kini nagpakita ug bisan unsang pagbasol nga naghulgang gubuton ang nasud.
Samtang nagpabilin usab nga lig-on ang baruganan sa kampo ni Yoon nga ang pagdeklara niini ug martial law ang pagamit lamang kuno sa emergency power sa Presidente.
