Naitala na sa Department of Health ang 63 ka kaso sa gitawag nga “Super Flu” sa nasud, base sa pinakabag-ong datos nga nakolekta sa Disyembre 2025.
Matud sa Health Spokesperson nga si Albert Domingo, ang “Super Flu” usa lamang ka variant sa influenza A o trangkaso ug dili kini bag-ong sakit. Giingon usab niya nga halos pareho ra ang sintomas niini sa kasagarang trangkaso, sama sa ubo, sipon, taas nga temperatura, ug kasakit sa lawas.
Gipasabot pa sa DOH nga sa karon nga panahon sa ting-init ug ting-ulan, dali motaas ang kaso sa mga respiratory infection tungod sa kalit-kalit nga pagbag-o sa klima. Ang publiko posibleng makasinati og iritasyon sa ilong ug tutunlan samtang nag-adjust ang lawas sa bag-ong panahon.
Nag-awhag ang ahensya sa katawhan sa pagsuot og face mask ug pagpanghinlo sa mga kamot aron malikayan ang pagsugod ug pagkaylap sa flu. Gihatagan og gibug-aton nga ang pag-amping dili nagpasabot nga grabe o infectious ang pagkasinati ug flu, apan proteksyon kini alang sa kaugalingon ug sa uban.
