Gipirmahan ni US President Donald Trump ang usa ka executive order nga nagtumong sa pagpadala na-usab sa mga astronaut sa buwan sa wala pa matapos ang tuig 2028. Ang maong lakang usa ka bahin sa mas lapad nga plano sa Amerika aron palig-onon ang depensa sa nasud batok sa mga hulga sa kalawakan.
Ang executive order nga may titulong “Ensuring American Space Superiority” nagaatas sa Pentagon ug sa US intelligence agencies sa paghimo og space security strategy, pagpalambo sa missile-defense technologies, ug pagpaayo sa koordinasyon sa national security sa kalawakan ubos sa giya sa White House chief science adviser.
Gipanghimakak usab sa maong mando ang programa sa NASA nga Artemis, nga nagtinguha sa pagtukod sa unang permanenteng lunar outpost pagsapit sa tuig 2030. Apan, gipaabot nga adunay mga hagit ang plano tungod sa pagkaantala sa mga kritikal nga proyekto sama sa SpaceX Starship, pagkunhod sa budget, ug kakulang sa empleyado sa NASA.
Sumala sa mga eksperto, ang target nga moon landing sa 2028 dili lamang bahin sa teknikal nga ambisyon, apan usab usa ka stratehikong lakang sa kompetisyon tali sa US ug China, diin ang China nagplano sa unang crewed mission sa buwan sa 2030.
