Gikustodiya na karon ang duha ka mga menor de edad sa hingtungdang ahensya sa kagamhanan human nga malampusong na-rescue sa mga otoridad ang 16-anyos nga estudyanteng si alyas “Dang” lakip ang 17-anyos nga kauban niining si alyas “Kaloy” human kini nakuhaan og kontrabando sa gilusad nga drug buy-bust operation pasado alas 11:00 ang takna kagahapon sa udto sa Purok 15, Brgy. 5-A, ning syudad sa Davao.
Gilusad ang operasyon sa mga operatiba sa Sta. Ana Police Station ug Philippine Drug Enforcement Agency (PDEA) nga miresulta sa pagkumpiska sa pinauga nga dahon sa marijuana nga adunay liso og gibana-banaan nga adunay standard drug price nga mokabat sa ₱372,000. Nasayran nga mga na-rescue nga mga menor de edad mga tinun-an ug residente sa dinhi sa dakbayan sa Davao.
Samtang sa karon ginaiimbistigahan na sa kapulisan posibling mga koneksyon sa mga nahisgutan kabahin sa pagpayuhot og iligal nga droga.
