Nalubong na sa iyang katapusan nga kapahulayan si kanhing Chief Presidential Legal Counsel Juan Ponce Enrile kagahapon sa udto, Nobyembre 22, 2025.
Gihimutang siya sa Libingan ng mga Bayani sa Taguig City.
Ang iyang lungon, nga gitabonan sa bandera sa Pilipinas, gihatagan og departure honors sa Armed Forces of the Philippines.
Gisundan kini sa funeral march gikan sa heroes’ gate padulong sa iyang lubnganan.
Nagdumala usab si Rev. Fr. Cherish Chester Serana sa ulahing bendisyon sa wala pa gipaabrihan ug gisirado ang lubnganan.
Mitambong sa seremonya sila Defense Secretary Gilberto Teodoro Jr., Health Secretary Teodoro Herbosa, ug kanhing Senador Gringo Honasan.
Anaa usab si kanhing ICT Secretary Ivan Uy isip usa sa mga mitambong ug naghatag pagrespeto.
Bisan pa niana, may pipila ka grupo sama sa National Union of Peoples’ Lawyers nga misupak sa paglubing kang Enrile sa maong sementeryo.
Alang nila, usa kini ka “grave distortion of history” tungod sa papel ni Enrile sa pagpatuman sa Martial Law.
Ilang gisaysay nga ang Libingan ng mga Bayani dili angay mahimong “sanctuary” alang sa mga tawo nga misupak sa demokrasya.
Bisan pa sa kontrobersiya, nagpabiling makasaysayan ang paglubing kang Enrile, nga usa sa mga personalidad nga nalambigit sa EDSA People Power Revolution.
Kahinumduman usab nga ang Senado nagpahigayon og necrological service alang kang Enrile nga kaniadto nagsilbi isip Senate president.
