Gibana-banaan nga anaa sa 15,000 ka personel sa PNP ang ipakatag sa Metro Manila gikan Nobyembre 16 hangtod 18, 2025, aron masiguro ang kahapsay ug seguridad sa 3-ka-adlaw nga panagtigom sa nagkadaiyang grupo, lakip na ang Iglesia ni Cristo.
Gisiguro ni PNP acting Chief PLtGen. Jose Melencio Nartatez Jr. ang pagrespeto ug pakig-uban sa PNP aron masiguro nga malinawon ug luwas ang maong panagtigom.
Apil sa mga bantayan ang Quirino Grandstand, EDSA Shrine, People Power Monument, mga dalan duol sa Malacañang, Bangko Sentral ng Pilipinas (BSP), Senado, Kamara, Embahada sa Amerika, ug uban pa.
Sumala ni Nartatez, katungdanan sa PNP ang pagpanalipod sa kaluwasan sa mga mitambong, samtang girespeto gihapon ang katungod sa matag Pilipino.
Gipasabot usab ni PNP Public Information Office Chief PBGen. Randulf Tuaño nga ipatuman niini ang traffic coordination, crowd management, ug police visibility aron malikayan ang kagubot ug masiguro ang hapsay nga dagan sa mga kalihokan.
