Mas ginapalawman na matud pa karon sa Malacañang ang nalugi nga P1-B nga online investment sa Government Service Insurance System (GSIS).
Gibutyag ni Palace Press Officer Atty. Claire Castro nga gipangutana na matud pa niini si Pang. Ferdinand Marcos, Jr. labot sa maong anomaliya ug gikanayon matud pa sa pangulo nga mas ginatun-an na matud pa niini ang mamahimong lakang nga pagabuhaton ug gikatakdang muhatag sa iyang pamahayag ang pangulo sa sunod semana sa higayong mabutingkay na ang maong isyu.
Kahinumdumang gibulgar ni Sen. Risa Hontiveros nga nag-invest og P1-B nga GSIS sa DigiPlus Interactive Corp nga hilabihang gikalugi sa ahensiya.
Gumikan sa maong rebelasyon, gikakurat matud pa kini sa pangulo samtang anaa kini sa India alang sa 5-day state visit niini ug gikanayong wala kini nasayod sa nahitabo sa GSIS.
