Dead on the spot ang usa ka lalaki human kining gitabangan og dunggab sa 4 ka lalaking kainom niini pasado alas 11 kagabie, Agosto 8 ning tuiga sa sulod sa usa ka farm house sa Zone 7-B, Barangay Baguer, Libungan, Cotabato.
Subay sa rekord, giila ang biktima nga mao si Alfredo Hisoan Licudo, 43 anyos, minyo, usa ka mag-uuma, ug residente sa Zone 7-B, Barangay Baguer.
Samtang ang mga suspek giilang sila Manny Yahon Isao, ulitawo, Relan Amantillo, ulitawo, Ramil Arroyo ug Salvador Perpas, 42 anyos, pulos residente sa naasoy nga dapit.
Tungod sa panaglalis, gidunggab sa mga suspek ang biktima nga maoy nahimong rason nga nakahiagom kini uog daghang samad nga maoy hinungdan sa hinanaling kamatayon niini.
Sa karon, nagpabiling gawasnon ang mga nahisgutang suspetsado.
