Napildi sa unang round sa Canadian Open sa Montreal ang Pinay tennis star nga si Alex Eala.
Gipildi si Eala ni Marketa Vondrousova sa Czech Republic sa iskor nga 3-6, 6-1, 6-2, sa duwa nga milungtad og duha ka oras ug unom ka minuto.
Nakuha pa ni Eala ang unang set, apan pag-abot sa ikaduhang set ug ikatulo, didto na niarangkada ang WTA Rank 65 nga si Vondrousova.
Matud pa ni Eala, giandam na gyud niya ang iyang kaugalingon sa lisod nga duwa, ug gihagoan gyud niya ang tanang set, apan wala gihapon siya nakaangkon og pabor nga resulta.
Mosunod nga makig-atubang si Vondrousova kang Marta Kostyuk sa ikaduhang round sa torneo.
Samtang, gilauman nga motungha si Eala sa sunod niyang torneo, ang Cincinnati Open sa Estados Unidos, nga magsugod karong Agosto 7.
