Miabot na sa 63 ka mga tawo ang namatay tungod sa daot nga panahon nga miigo sa Punjab province sa Pakistan.
Sumala sa National Disaster Management Authority, adunay 290 pa ka mga tawo ang nasamdan sulod sa kapin 24 ka oras nga walay hunong nga pag-ulan.
Nagdeklara og kanselasyon sa klase ug trabaho ang siyudad sa Rawalpindi, nga duol sa Islamabad, tungod sa peligro sa pagbaha.
Ang grabeng baha mao ang hinungdan sa pag-awas sa mga suba human sa kusog nga ulan.
Daghang mga biyahe sa eroplano ang nakansela ug daghang kadalanan ang gisirado tungod sa baha.
Padayon ang gihimong rescue operations sa mga otoridad sa mga lugar nga nabahaan.
Sukad pa niadtong Hunyo, kapin na sa 180 ka tawo ang namatay tungod sa pag-ulan, diin hapit katunga niini kay mga bata.
