Gilusad ang libreng public wifi site sa Mac Arthur Landing Memorial National park sa Palo Leyte kagainang buntag.
Ang maong programa ang gipangunahan ni Pang.Ferdinand R. Marcos Jr. ang opisyal nga paglusad uban ang Department of Information and Communications Technology (DICT) ilawom sa BroadBand ng Masa program nga nagtinguha sa pagpalapad pa sa internet access sa tibuok nasud.
Lakip sa mitambong sa aktibidad sila si DICT Secretary Henry Aguda ug House Speaker Martin Romualdez.
Gipakita usab sa Pangulo ang live speed test gamit ang tablet, ug nakighinabi usab siya sa pipila ka mga benepisyaryo gikan sa mga lagyong lugar sa Luzon, Visayas, ug Mindanao, nga karon nakatagamtam na sa libreng Wi-Fi nga gihatag sa DICT.
Nasayran nga anaa sa kapin 9.8 million users gikan sa 1,401 ka mga syudad ug munisipalidad sa nasud nga kung diin lakip na niini ang 3,040 ka mga geographically isolated and disadvantaged areas (GIDAs) sa nasud ang gilaumang makapahimulos sa programa.
