Nagpasa og manifestasyon ang defense counsel ni Vice President Sara Duterte aron hangyoon ang Senate Impeachment Court nga magpagawas og subpoena duces tecum et ad testificandum alang sa pagpatawag kang Dean Ralph A. Sarmiento isip unang testigo sa kampo sa Bise Presidente.
Si Sarmiento usa ka kanhing Vice Chancellor for Administration sa University of St. La Salle ug kasamtangang propesor sa Political ug Constitutional Law.
Base sa gisumiter nga manifestasyon, gilauman nga maghatag og testimonya si Sarmiento kalabot sa mga prinsipyo sa balaod ug konstitusyon nga may kalabotan sa impeachment case, ilabina sa Article II sa reklamo batok sa Bise Presidente.
Lakip usab sa gihisgotan sa depensa ang pagsumiter sa pag-ila sa uban pang mga testigo nga ilang ipatawag alang sa sunod nga mga pagdungog.
Gikatakdang ipadayon sa Senate Impeachment Court ang impeachment trial sa Lunes,Nobyembre 9, 2026, ug mopahigayon pa og mga sunod nga hearing sa Nobyembre 10, 11, 12, 13, 19, 20 ug 23.
Gipahibalo usab ni Presiding Officer Francis “Chiz” Escudero nga gihatagan og 26 ka adlaw ang kampo sa depensa aron maandam ang ilang evidence-in-chief o mga pangunang ebidensya nga ilang ipresenta atol sa trial.
