Tingkagol usab ang usa ka 44-anyos nga babaye sa usa ka buy bust operation kagabii pasado alas Siete human nga nakuhaan usab og mga kinarton nga smga palusot nga sigarilyo.
Subay sa report sa mga otoridad, giila ang dinakpan nga si alyas “Ronah”nga residente sa Brgy.Ilang ning dakbayan sa Davao.
Ilawom sa gipahigayon nga ‘Oplan Megashopper’ sa CIDG malampuson nga nadakpan ang suspetsado human nga namaligya og palusot nga sigarilyo.
Nakumpiskahan ang suspek og 20 ka mga master cases sa sigarilyo nga walay walay graphic warning sign nga kini nahisubay sa RA 10643 kun ‘An Act to Effectively Instill Consciousness through Graphic Health Warnings on Tobacco Products.
Nasayran nga kini ang nakabutang sa Transformer nga minivan nga sa kinatibuk-an nagkantidad kini og ₱660,000.
Sa pagkakaron anaa na sa kostudiya sa mga otoridad ang dinakpan samtang diandam na usab ang kaso nga ipasaka batok kaniya.
