Aprubado na sa Kamara ang sugyot balaudnon nga magdili sa e-sabong sa nasud gumikan sa daotang epekto niini sa mga katawhan. Pinaagi sa boto nga 176, giaprubahan sa ikatulo ug kataposang pagbasa ang
Matod pa ni CIBAC Party-list Representative Bro. Eddie Villanueva, nga usa sa mga nagsugyot sa maong panukala, mao ang nakasaksi siya kung giunsa pagbungkag sa e-sabong ang kinabuhi sa daghang Pilipino ug sa ilahang pamilya.
Gisulti sa kongresista nga ang pagdili sa e-sabong dili lamang usa ka legal nga isyu, apan usa usab kini ka moral nga isyu.
Gipasiugda ni Villanueva nga dili angay tugotan nga modaug ang kwarta ug pagkahakog samtang daghang tawo ang nag-antos ug naadik sa sugal.
Sa higayon nga mamahimong balaod ang House Bill, tanang permit nga gihatag sa Pagcor ideklarar nga “null and void” ug manduan ang tanang ahensya sa law enforcement ug cybercrime nga buwagon ang tanang e-sabong platform.
Ang mga mosulay nga mag-operate gihapon og e-sabong bisan pa nga gidili na kini mahimong mabilanggo ang mga operators og hangtod 20 ka tuig ug silotan og multa nga hangtod P20 milyon.
