Gipasiugdahan sa Police Regional Office XI (PRO XI) ang bag-ong mounted patrol unit nga gitawag og “Cavaliers” human makompleto sa 31 ka pulis ang 10 ka adlaw nga Horseback Riding Patrol Training niadtong Abril 29 sa Menzi Beach Park, Dahican, Mati City. Ang maong inisyatibo nagtumong sa pagpausbaw sa kapasidad sa kapulisan sa pagbantay sa mga kasikbit ug kabukiran nga lugar.
Kahinumdumang ang 80-oras nga pagpraktis nagsugod niadtong Abril 4, diin mitambong ang mga pulis gikan sa Davao City, Davao del Norte, Davao de Oro ug Mati City. Lakip sa ilang giagiang pagpraktis mao ang batakang ug abanteng riding skills, formation drills, ug mga pamaagi sa patrol. Gisiguro nga andam ang mga sakop sa pagresponde bisan sa pinakaliblib nga mga dapit.
Gani, ang maong programa kabahin sa PNP Memorandum Circular No. 2014-046 nga nagtumong sa pagpalig-on sa mobility sa kapulisan ilabi na sa kabukiran, samtang gisuportahan sab ang lokal nga seguridad ug turismo. Gilauman nga pinaagi sa mga “Cavaliers,” mas epektibo ang pagpatrolya sa mga lugar nga lisod maabtan sa sakyanan.
