Gipakusgan sa Commission on Elections (COMELEC XI) ang ilang operasyon batok sa mga naglapas sa mga pulisiya sa kampanya, ilabi na sa mga kandidato nga padayon nga nagabutang sa dili awtorisado nga campaign materials nga mga lugar.
Sumala pa ni Atty. Gay Enumerables, ang Assistant Regional Director sa COMELEC XI, nga daghang kandidato ang nakalapas atol sa gipahigayon nga Operation Baklas, diin ilang gitangtang ang mga poster ug tarpaulin nga wala mosunod sa saktong sukat, lokasyon, ug uban pang pamalaod sa kampanya.
Sumala pa niini. nga dili kini mao’y unang higayon nga adunay mga kandidato nga nalambigit sa maong mga paglapas.
Sukad pa sa mga nangaging eleksyon, daghang politiko ang nadiskwalipikar gumikan sa paglapas sa mga pulisiya sa kampanya, ug karon sa umaabot nga 2025 election, anaa gihapon ang pipila ka mga kandidato nga nagapadayon sa paglapas sa mga balaod sa COMELEC.
Gumikan niini, ilang atubangon ang legal nga mga sangputanan, lakip ang kaso nga may kalabutan sa Election Campaign Period.
Dugang pa sa opisyal, nga ang Comelec karon mas seryoso ug agresibo na sa ilang kampanya batok sa mga violators.
Gibutyag niini nga daghan na nga official notices ang ilang gipadala sa mga kandidato nga nameligro nga makasuhan ug aduna na usab listahan ang buhatan sa 3 ka nag-una nga mga violators, nga kadaghanan naggikan sumala pa sa mga supporters sa kandidato.
Nonot paman niini, gibutyag ni Atty. Enumerables nga dili exempted ang kandidato sa mismong paglapas.
Gipasiugda niini nga ang responsibilidad sa pagpahibalo ug pagdili sa ilang mga supporters mao ang tahas sa mga kandidato, ug kung ilang pasagdan ang mga hugaw nga pagpamutang sa mga poster, ang kandidato gihapon ang mamahimo nga responsable niini.
Dugang pa sa opisyal, nga gumikan sa pagpakusog sa operasyon sa COMELEC ug sa ilang pagpahamtang sa balaod, gilauman nga mas malinawon ug patas ang umaabot nga 2025 election.
