Padayon ang ginapahigayong imbestigasyon sa mga otoridad sa hinungdan sa helicopter crash sa Guimba, Nueva Ecija kaniadtong nakalabayng adlaw, diin nakabsan sa kinabuhi ang 25 anyos nga babayeng piloto.
Sumala pa ni Civil Aviation Authority of the Philippines (CAAP) spokesperson Eric Apolonio, daghan sumala pa ang angay nga pagatun-an nga mga factor sa pag-crash sa usa ka helicopter susama sa lakat sa panahon, engine o makina sa helicopter, rekord sa piloto ug sa mismong aircraft.
Apan, gipaklaro usab sa opisyal nga aduna kini permit to fly, rason nga mamahimo kining compliant sa mga procedures nga gikatakda sa CAAP.
Gihisgut usab sa CAAP Official nga dali nga gipahibalo ang pamilya sa piloto sa dihang nahitabo ang maong insidente ug nakuha na usab sa pamilya ang patayng-lawas niini.
Samtang, gikumpirma ni Senador Ronald “Bato” Dela Rosa nga siya ang ginaog nga pasahero paingon sa Baguio City una mahagsa ang helicopter sa Barangay San Miguel, Guimba, Nueva Ecija.
Sumala pa ni Dela Rosa, nga “very smooth” ang nahimong dagan sa helicopter paingon sa Baguio ug wala matod pa kini namatikdan nga bisan unsa nga aberya.
Kahinumduman, nga kaniadtong Sabado, Pebrero 1, nahagsa ang R44 light helicopter nga gikamatay ni Julia Flori Monzon Po, 25 anyos.
Sumala sa imbestigasyon, pauli na sa Manila si Po sa dihang naghagsa ang helicopter alas-5 sa hapon.
Duha ka oras matud pa nga naglisud si Po una niini mapalupad ang chopper nga gikan sa Binalonan, Pangasinan.
