Mitay-og ang usa ka magnitude 6.4 nga linog sa southern Taiwan.
Sumala pa sa mga awtoridad, ang linog nabati duol sa Chiayi City sayo sa buntag sa Martes. Kini adunay gilawmon nga 9.4 ka kilometro ug ang sentro sa linog anaa sa lungsod sa Dapu sa Chiayi.
Pipila ka mga building usab ang partially damaged, ang uban niini gisulod sa mga rescuer nga nakaluwas og mga tawo nga natrap sa building gumikan sa maong linog sa Tainan City.
Ang linog gumikan ang Taiwan nahimutang taliwala sa duha ka tectonic plate, nga kanunay makasinati og mga linog.
Katapusan nga nasinatian sa Taiwan ang linog niadtong Abril sa miaging tuig nga adunay 7.2 magnitude sa Hualien, nga mipatay og 13 ka tawo.
Kapin sa 100 ka tawo usab ang namatay sa linog sa habagatang Taiwan kaniadtong 2016 ug niadtong 1999 kapin sa 2,000 ka tawo ang namatay sa magnitude 7.3 nga linog.
