Misaka pa sa upat ang kinatibuk-an nga ihap sa mga namatay tungod sa pagpabuto ug saag nga bala niadtong holiday season.
Sa labing ulahing datos nga gipaguwa sa Department of Health (DOH) kagahapong adlawa, Tulo sa namatay ang tungod sa pabuto ug Usa gikan sa saag nga bala.
Ang usa nga nadugang nga nakabsan sa kinbuhi pabuto ang usa ka 54 anyos nga lalaki nga gikan sa Region 4A. Nakaangkon kini og hilabihan nga kadaot sa iyahang wala nga kamot human nga mibusikad ang pabuto nga kwitis.
Gawas niini, adunay 36 nga bag-ong kaso sa fireworks-related injuries ang natala niadtong disperas sa Bagong Taon, samtang 10 ka mga kaso usab ang gidugang niadtong Enero 1, 2025, ug 15 nga kaso sa mga nakalabay nga adlaw.
Sa kinatibuk-an, mokbat na sa 832 ang ihap sa mga kaso kagahapon.
Kini ang mas taas sa 37% kung itandi sa natala nga 606 nniadtong Jan. 5, 2024.
Nag-unang hinungdan sa mga natala ang mahitungod sa mga pabuto nga Kwitis, 5-star, ug boga nga nagresulta sa pagkasunog sa panit ug mga kaso bahin sa amputation o pagputol sa bahin sa lawas.
Nagpabilin pa usab ang mga kabatan-unan ug menor de edad isip nag-unang biktima sa mga pabuto.
